හීනයක් මේ තරම් සුන්දරද

හීනයක් මේ තරම් සුන්දරද හිත ලඟ

දැනුනේ නැ නුඹ එහි කුමරු වන තෙක්

හගුමකට පෙම් බැදි හදක් අභියස

සොයමි සෙනෙහස දිවා රෑ මම

වියලුනු කොපුලත මුදු හාදු තවරා

සිනහා සයුරක හද අතරමං කර

හදෙන් ගිලිහෙන සුසුම් රැල්ලක

සොයමි නුඹේ සුව හද සනසගන්නට

නෙතින් ගිලිහුණ සීත කඳුලක

රැදුනු සෙනෙහස හද විවර කර

අන්නතය දෙස බලා හිනැහෙමි

සනසගන්නට මමම මගේ හද

කළුවර හීනය

2018-07-09

කඳුළු සඟවා හිනාවෙමි මම නුඹේ පෙම රදවා හදේ

සිහිල් පොද වැහි ඔහේ වැටෙමින් විඩා බර සිත නහවලා

කඳුළු ගංගා ගලා ගොස් අද මගේ හිත් මල බොඳ කලා

මතක සායම් හෙමින් ඇවිදින් හදේ කොනකම සිත්තම් වෙලා

අළුත් කඳුලක් අතවනනයි අද හඩන නෙතු අග සැරසිලා

පාව ආ සඳ නිල අඹරට කඳුළු නැ හිත හැඩ කලේ

අපේ මාතකය වාන් දමනා දෙඇස් ඉවුරයි සැරසුවේ

රනින් සිතුවම් මැවු පුන් සද කොහෙදො අද හැන්ගුනේ

කඳුළු වරුසා ඇද වැටි අද අපේ මතකය බොඳ වුනේ

තාල මුමුණා සින්දු කියලා කුරුල්ලන් ඔහේ ඉගිලුනා

රෑයේ ඇහැරි සිහින දුන් නෙතු මටත් රහසෙම පියැවුනා

මුවේ සැරසුන නුඹේ ප්‍රේමය නොකියාම මට දුර වුනා

හඩන හිත අද පාරවා නුඹ මගේ කවි හිත තනි වුණා

නිදා නොනිදා නුඹේ නමටම ලිව කුළුදුල් ගිතයේ

තාල අතරේ රැදිවුන් නුඹේ දෙනෙත් සහවා හිතේ

පහන් වි ගිය සුසුම් අතරින් හීන එක එක දැල්වුන ඉමේ

කඳුළු සඟවා හිනාවෙමි මම නුඹේ පෙම රදවා හදේ

අද තමයි හොද දවස

ආදරයේ මුදු පාට

සිත් කොනක රඳවන්න

හාදු වැස්සක් අරන් 

නුඹ එන්න හිත් ගැබට

රන් හීන වස්සන්න

හිත් අරණ සරසන්න

නුඹ ඇවිත් සිත් අහසේ

රිදි තරුවක් ව පායන්න

හදක රැදි සෙනෙහසට

නුඹ උරුම කම් කියන

අද තමයි හොද දවස

ඇවිත් ම'සිත සනසන්න

කළුවර හීනය

2018-07-19

මතකයන් කවි පද වුණාදෙන්...

කිසිත් නොපතා සෙමින් බැසයන

සඳත් අහසට පෙම් කලා නම්

කිසිත් නොදොඩා වෙන්ව ගිය නුඹේ

මතකයන් කවි පද වුණාදෙන්....

තිගැස්සෙන මගේ හද කොනක හිද

නුඹේ පෙම් සුව කෑගසයි නම්

නික්ම ගිය නුඹේ නමට ගිලිහෙන

කඳුළු පොකුරක් ලඟ හිටියදෙන්....

දෙනෙත් අද්දර සැගව ඇති දුක්

කඳුළු මල් බිම වැටුනනම්

යලිත් එන්නෙ'පා මසිත් අරණට

තනිය ලඟ හිඳ තනි මකයි දැන්.....

|කළුවර හීනය |

2018-05-27

අරන් ආවෙත්

නොමළ ගෙයකින් ‘අබ මිටක්‘

පණ දෙන්න හැකිවෙයි

‘නුඹේ පුතුටත්‘ මටත්

කැ ගසා හඩන්නිය කිසා...

තව තවත් හඩන්නීය

නොමළ ගෙයකින්

අබ මිටක්

සොය සොයා ඇ දුවන්නීය

අනේ දුකක්

කඳුලැලි ගොඩක්

නොමළ ගෙයක් ඇ හට

සොයාගන්නට බැරි හැඩක්

අරගෙන ආවොත් මමත්

ආදරෙන් පාරාජිත

නොවුවෙකු ගෙන්

කඳුළු මල් වැලක්

අනේ දෙනවාද මටත්

රැදෙන්නට පොඩි හරි ඉඩක්

ආදරේ සුවඳ විද

නුඹේ හිත තුල හෙටත්

කළුවර හීනය

2013-03-20

නාදුනන හැඟුම් අහුරක්

නාදුනන හැඟුම් අහුරක් වෙති

හිතේ මුල්ලක හෙමින් සැඟනුව

කිසිත් නොදොඩා තනිව සැනහෙයි

රිදෙන බව දැන දැනම හද වෙත

සෙමින් කොඳුරන සුසුම් ගොන්නකි

හිතේ දුක් අදේනාවකට කන්දෙන

⁣කිසිත් නොසිතා තනිව හිනැහෙයි

පෙනෙන බව දැන ලොවට කඳුලම

ඉතිරි වි ගිය මතක අහුරකි

හදේ මුල්ලක සිරව ඉකිලන

කිසිත් නොපතා තනිව මොරදෙයි

දුකම උහුලනු බැරිව හැමදින

කළුවර හීනය

2018-05-23

හැඟුම්......

මෙපමණක් යැයි මැනිය නොහැකිව
සදාදර සෙනෙහසක් හිතේ හංගන්
දාරා සැනසෙමි නුඹේ නාමෙන්
ලැබෙන ගැරහුම් ජිවිතේන් මං

නුඹට අවැසිව නුඹේ නමටම
කැපකරන් මම මගේ ප්රේමය
පතමි දිවියක් තව තවත් සුන්දර
ජිවිතේ දුක් තැවුල් නැතිවුන

වේහෙසකර හැම හුගුම් පිටුපස
ඉකිගසයි මගේ හිතත් හොදටම
නොහැගුනි නම් නුඹට ඒ බව
කමක් නැ ඉවසන්නෙමි මම තව

කළුවර හීනය

යලිත් නුඹ ඒවි නම්

නුඹේ නමට ලියැවිච්ච
දුක පිරැණු මතක වල
වරැ ගණන් සොයමි මම
සැඟවිච්ච අපේ පෙම
අහසේ දරා ගමි

හදක රැඳි සෝ ගින්න
ප්රේමයේ නාමයෙන්
නුඹ කෙරෙහි ඉපදිච්ච

යලිත් නුඹ ඒවි නම්
දුරලන්න ඝණ අඳුර
පිලිගනිමි ආදරෙන්
අර ඉස්සොරො වාගේම...

කළුවර හීනය

හිත් අහසට රහස් කියන
හිරැ මිලිනව යන සවසක
නුඹගැන මතකය අහුරක්
විසිකරලන්නම්. ....
නුඹේ මතකය අහස් ගැඹේ...
සඟවාලන්නම්

ආයෙමත් ආදරෙන්

හැඟුමන් අහුරක තාලෙට ගැලපුන

පඳවැල් අතරින් නුඹ සොයලා

මම ලියු කවියක හුස්මක සැඟව්

එලිසයමය විය සිත සනසා

සඳ ගැන තරු ගැන උපමා මොකටද

මගේ ලොව එළිකල හිරු  නුඹම නිසා

තුන් සිත සනහා පායා ආ නුඹ

හිනැහෙයි ගඟනම කලඑළි කරවා

මන්දාරම් අඳුර මැදින්

මම සක්මන් කර හෙමිහින්

කවි අහුරක් යාළු කරන් සිත සනසන්නම්

ආදරබර කවිය තුලින් නුඹව දකින්නම්

පොද වැටෙනා හැන්දැවක

මල් වැස්සට තුරුළුවෙමින්

ආදර හිත තුරුළු කරන් තෙමි තෙමි යන්නම්

වැහි බිඳුවක සිසිල තුලුන් නුඹ විඳගන්නම්

අරන් යන්නට දෙන්න අවසර අපි එකතු කෙරු අපේ මතකය

අදුරු වළාවන් පාවෙලා‘විත් - සිත හොරා ගෙන රහසෙම

නිහඩ මඟ තොට මතක කඳවුරු - වැලලිලා මට නොකියම

පාවෙලා ආ සිතුම් වැල් වල - වියො දුක ඇත හොඳටම

ඉතින් අවසර පතමි මම අද - නුඹෙන් වෙන්වි යන්නම

කදුළු ඇවිදින් හිර කරයි නෙතු - වාව ගනු බැරි හින්දම

පෑයු ඉර මල මලානිකවි - දුක දරා ගනු බැරි හින්දම

මතක මැදුරත් ඔහේ පාවෙයි - පෙමට පිදු හිත නමටම

ඉතින් වෙන්වෙමි තවත් නොහඩා - නුඹෙන් වෙන්වි දුරටම

කන්ද පිරිමැද පායලා ආ - සඳත් අද නොකියම

කඳුළු දොවමින් දෙඇස් තෙත්කර - ගිහින් අද දුරටම

වාන් දමනා දුක් සුසුම්වැල්- තබා උගසට රහසෙම

අරන් යන්නට දෙන්න අවසර - පෙමක් ලඟ මැව් සිහිනේම

එපා යලි නික්මෙන්න හිත් අහස පාළු කර

කවිකාර හිතක් ලඟින් ආදරෙන් දොඩන්නට
වරැ ගනන් ගීගැයුවා හිතේ තනි මකන්නට
ඉසිඹුවෙන් ගිම් නිවා හිතේ දුක තුනිකොට
පෙම් මැඳුරැ ඉඳිවුනා ආදරෙන් නුඹ නමට

සඳතරැත් හිනැහිලා නිවාලන ගිණි කතර
ජිවිතේ සුව මැඳුරැ හද තුටින් ගෙන නිතර
සොඳුරැ හැඟුමකට හිරවෙච්ච පද අතර
පැතුම් මල් කවිවුනා ⁣ආදරේ මඟ සසර

කළු වළාවන් එලිය කර පාය ආ සුපුන් සඳ
අහස් කුස සරසලා හිතේ දුක නිමාකර
සෙනෙහසයි පෙම් බැන්ඳේ ආදරේ සරසන්න
එපා යලි නික්මෙන්න හිත් අහස පාළු කර

කළුවර හීනය

ආදරේ සිල් සුවඳ

ඉර බසින ගොම්මමෙ සඳ සිසිල විඳගන්න
තරැ ඇවිත් හිනැහුනා රතු අහස සරසන්න
මතකයන් ලඟ හිදන් නුඹ'ව්ත් දොඩමළුව
සිනහමල් කවි වුණා ආදරේ සරසන්න

අමාවක රෑ අහසේ ගණඅඳුර දුරලන්න
තරැ‍ වැලක් හිනැහුනා හිත් අහස පුරාවට
නුඹ පිදු පෙම් සිතට ආදරෙන් ලංවෙන්න
පිං පිරුවා සංසාරේ නුඹේ හදේ රැදෙන්නට

කළුවර හීනය

මතක වැල් පද බඳියි කවියට..

ජිවිතේ මහා දුකක්
යැයි හැඟුනු හැම විටම
කඳුළ නුඹ ඇවිත්
නතර වුවා මා නෙත‘ඟ

බොහෝ දුර සැරිසරා මම
සිතේ දුක නිමා කර
කඳුළු අතරින් හිනා වුනි
අකිකරු අකුරක සිරව

කඳුල නුඹ හෙමින් විත්
රිදෙන සිත සිසිල් කර
යන්න යන්නට එපා දැන්
මතක වැල් පද බඳියි කවියට..

- කළුවර හීනය -

ආදරයේ සාම ගිවිසුම

ඔයයි මායි ආදරේ කරන්න පටන් අරන්..අපේ ආදරයට අදට අවුරුදු තුනක්... දවස්ම 1096ක් . ආපස්සට හැරිලා බලද්දි හිතට දැනේන සතුට කියලා නිම කරන්න බැ.. මේ වචන ටික හරි මම ගලපන්නේ පුදුම සතුටින්... හුඟක් සතුටින්..

ජිවිතේ බිංදුවටම වැටිලා ආදරය නිසා හීත හුඟක් රිදවගෙන... කවමදාකවත් ආයෙමත් කාගේවත් හිතට ලංවෙන්න තියා කවමදාකවත් කාගේවත් බලාපොරොත්තුවක් වෙන්නවත්ග..කවුරුන්වත් වෙනුවෙන් බලාපොරොත්තු වෙන්නේවත් නැතුව හිටිය කාලෙක....කොටින්ම කියතොත් ජිවිතේ හැම ප්‍රෂනේකටම විසදුම පලා යැම නොවුනත් මම හැම ප්‍රෂ්ණයකින්ම පලා ගියපු කාලෙක..ඔයා මගේ හිතට ඇවිත් කවමදාක වත් අමතක කරන්න බැරි විදියට නතර වුනා.. ඒ ආදරේ මහා ගොඩක් දිලා.. බලාපොරොත්තු හරි හුඟක් දිලා...ඇත්තම කියතොත් ජිවිතේට ජිවත්වෙන්න අරමුණක් දිලා කියුවොත් මම 100% නිවැරිදියි.

දින සති මාස අවුරුදුම ගෙවිලා අද අපේ ආදරේට අවුරුදු 3ක් වෙලා.. සතුටු සිනා වගේම සිත් රිඳුම් එක්ක මේ ගෙවපු අදුරුදු තුන මට මහමෙරක් වගේයි... ඒ අවුරුදු 3 ඇතුලත මම ජිවිතේ වින්ඳා.. කොටින්ම කියතොත් හුස්ම ගන්න ජිවිතයක් ගෙව්වාට අරමුණක් නැතුව ඔහේ ජිවිතේ ඇවිඳ ගියපු මම ජිවිතේ විඳින්න ඉගෙනගත්තා.. මම ජිවිතේ වින්ඳා.... සිනාව හිතේ කොනකටවත් දැනිලා නොතිබ්බ මට හිනාවෙන්න ඉගෙනගත්තා... මම ආදරේ නාමෙන් හිනාවුනා...

කාලය ඔහේ ගෙවිලා යද්දි.. හැමෝම වගේම අපිත් ජිවිතේ ගැන හීන මවන්න ගත්තා.. ඒ තිනවම නෙමෙයි අපි දෙන්නාම.. එත් කාලායාගේ ඇවැමෙන් අපි අපිගැනම හිතනකොට එක වහලක් යටට කැඳලි වෙන්න හිතනකොට අපි නොදැනුවත්වම අපි අතට විඳුලියක් කොටනාවක් සේ සිත් රිදුම් ගලා ආවේ කවමදාකවත් හිතන්නේ නැති විදියට..

හැම ආදරවන්තයෙක් වගේම අපේ බලාපොරොත්තුව වුනෙත් මේ ආදරයට වටිනාකමක් දෙන්න.. මමමත් ඔයාත් එක වහලක් යටට එන්න.. එත් අපි නොහිතුව විදියට අපේ ආදරයට කණකොකා හඩලන්න ගත්තේ ඔයත් මගෙත් ආදරේට අපේ ආගම ප්‍රෂණයක් වෙන්න ගත්තාම.. කවමදාකවත් නොහිතුව විදියට අපිට අපෙන් සමුගන්න වෙනවා.. ඒ මොනම හේතුවක් වත් නිසාම නෙමෙයි දෙමාපිය අශිර්වාදය නැතුව අපිට එකතුවෙන්න බැරි නිසා..

ඉතින් අපි අපේ ආදරය සමරමු.. මේ ලොකේ කිසිම ප්‍රේමවන්තයෙක් ආදරය සමරන විදියට නෙමෙයි.. වෙනස් විදියකට.. හුඟක් වෙනස් විදියකට... වෙන කොහොමවත් නෙමෙයි අපේ ආදරය වෙනුවෙන් ගිවිසුමක් ලියලා.....ඉතින් අපි වෙන්වෙලා යමු.. ආදරෙන් බැඳුනු දවසේම අපි වෙන්වලා යමු...ඒ තරහක් හිතේ තියාගෙන නෙමෙයි.. මහාගොඩක් ආදරයක් හිතේ රඳවගෙන..කවමදාකවත් අපි අපි් නොවෙන බව දැනගෙනත් අපි ආදරය කලා.. හීන මැව්වා.. ජිවිතේ වින්දා.. මේ අපේ ආදරය කතාවට තිතක් නෙමෙයි... තවත් එක කතාවක ඇරඹුමක්......

ඉතින් අවරයි වෙන්ව යන්නට.. නුඹට මට.. අපි ආදරය කල අපේ ලොකයෙන්...

                                    කළුවර හීනය

හඩන හිත තව පාරවන හැටි.....

රිදෙන තරටම හිත හඩන්නට බැරි

එත් නොහඩා ඉන්න මට බැරි

මතක් අහුරක් ඇවිත් හෙමිහිට

නෙතට කඳුලක් ගෙනත් දෙන හැටි

දැනෙන තරමට නුඹහිනාවෙනු බැරි

එත් නුඹ‘විත් හිනාවෙන හැටි

මතක පැන් පොඳ වැටි සියොලඟ

හඩන හිත තව පාරවන හැටි.....

එන්න හනිකට දුක නොදි

මතක මල්වැල් පිපි හිනැහෙන

කඳුළු හිරවුනු හිත්කොනේ

නුඹේ සුවඳක් සොයා හනිකට

දුර ඇදෙයි රෑ පාළුවේ

කඳුළු ඇවිදින් හෙමින් රඟදෙ‍ගෙන

නුඹේ සුව රැඳි පපුතුරේ

දීවා රෑ තව පහන් දැල්වෙයි

නුමේ නමින් හද මන්දිරේ

පින්න හිනැහෙන සීත රෑයම

දෙනෙත් හිනැහෙයි කඳුලැලි දිදි

නින්ද නොමැතිව කඳුළු කවි වෙයි

එන්න හනිකට දුක නොදි

නුඹෙන් වෙන්වි අදට සය වසරයි

මා නොවින්ද

මා නොදැකපු

හිත හිරිවට්ටන ඒ නොදැනුන ආදරය

ඔව්... තාමත් මම ඒ ආදරයට ආදරය කරනවා

වෙනසක් නැ තවමත්... නොලැබුන ඒ නුඹේ පෙමට ආදරෙයි මම තවත්

නුඹ‘න තුරු මම පාළුවේ

නුවන් කඳුලෙන් තෙමි තෙමි

ගලන වරුසා කඳුලැලි

නඟන සුසුමක රුඳුනුතාලෙට

නුඹේ සෙනෙහස සිහිවුණි

හුදකලා තනි මංසලේ

ඇවිද ගිය ම‘ජිවිතේ

ආයාගේ ගිය සුළං පොදසේ

නුඹ‘න තුරු මම පාළුවේ

සිත කඳුලැලි ඇද වැටි

තෙමයි සුසුමන් සලිතවි

හදේ ගැඹුරුම තැනට රහසේන්

රිදුම් දෙයි ම‘සිතම සැලි

කඳුළු වරුසා නිම නොවි

හඩන මගේ හිත රිදි රිදි

ඉන්න නුඹ දුර තවත් නොපෙනි

ප්‍රේමයේ දොර‘ගුල් වැසි

සුුබ අලුත් අවුරුද්දක්

දෙනෙත් අද්දර හිනානගනා

සීත කඳුළුක රැඳුනු උණුසුම

නුඹට දැනුනොත් යලිත් දවසක

කතා කරපන් පුරුදු විලසට

ගියපු මඟතොට පුරුදු පාරක

නුඹත් යනවිට යලිත් දවසක

මතක් වුවොත් අපේ මතකය

හැරිබලපන් ඒදෙස දෙස තව

රිදුනු හදවද විලේ සෝකෙන්

කෑගසද්දි නුඹව සොය සොය

අහම්බෙන් හෝ ඇසුනොතින් හඩ

හොයාබලපන් සිටිදෝ මම ලඟ

________________________________________________________________________

ඔන්න ඉතින් අළුත් අවුරුද්දේ ඉස්ඉස්සෙලාම ලියන පොස්ට් එක.... කාර්‍ය්‍ය බහුලත්වය නිසාම දැන් මට මේ පැත්තේ නිතරම එන්න බැරිවුනත් මම මගේ කළුවර හීනය පාළුවෙන්න දෙන්නේ නැ..

ඉතින් මාව කියවන හැමොන්ටම ලැබුවාවු අලුත් අවුරුද්ද පැතුම් ඉටුවෙන සුබ නව වසරක්!!!

කළුවර හීනය