තනිකමක සේයාව

තනිකමක සේයාව
හද කොනක රඳවාගෙන
ඔහේ ඇද වැටෙන
සෝසුසුම් වල නාදයට
දෙකන් හුරු නොවෙන කල
තවත් මා සොයා ඵලක් ඇතිද එහි
නුඹේ සෙනෙහස
නටඹුනක් වත් නොමැති කල.....

හති දමා....හඩ හඩා.....
නුඹ ලඟම සැනසෙන්න
මඟබලන් සිටිය ම'හදවත
පණ අදියි දැන් 
යලිත් නොගැහෙන ලෙසට
කිසිදින.......

කප්පරක් සෙනෙහක්
හද කොනක රඳවගෙන
ජිවිතේ නුඹ දිහා බලා සිටි උජාරුව......
මගේ හිතම හිනාවෙයි 
ඔච්චමට මෙන් මටම
උඹට පෙම් කර මට 
උරුම වුණු කඳුළු දැක

කළුවර හීනය
-2018-07-20

මන්දාරම් අඳුර මැදින්

මම සක්මන් කර හෙමිහින්

කවි අහුරක් යාළු කරන් සිත සනසන්නම්

ආදරබර කවිය තුලින් නුඹව දකින්නම්

පොද වැටෙනා හැන්දැවක

මල් වැස්සට තුරුළුවෙමින්

ආදර හිත තුරුළු කරන් තෙමි තෙමි යන්නම්

වැහි බිඳුවක සිසිල තුලුන් නුඹ විඳගන්නම්

අරන් යන්නට දෙන්න අවසර - පෙමක් ලඟ මැව් සිහිනේම

අදුරු වළාවන් පාවෙලා‘විත් - සිත හොරා ගෙන රහසෙම

නිහඩ මඟ තොට මතක කඳවුරු - වැලලිලා මට නොකියම 

පාවෙලා ආ සිතුම් වැල් වල - වියො දුක ඇත හොඳටම 

ඉතින් අවසර පතමි මම අද - නුඹෙන් වෙන්වි යන්නම 

කදුළු ඇවිදින් හිර කරයි නෙතු - වාව ගනු බැරි හින්දම 

පෑයු ඉර මල මලානිකවි - දුක දරා ගනු බැරි හින්දම 

මතක මැදුරත් ඔහේ පාවෙයි - පෙමට පිදු හිත නමටම 

ඉතින් වෙන්වෙමි තවත් නොහඩා - නුඹෙන් වෙන්වි දුරටම 

කන්ද පිරිමැද පායලා ආ - සඳත් අද නොකියම 

කඳුළු දොවමින් දෙඇස් තෙත්කර - ගිහින් අද දුරටම 

වාන් දමනා දුක් සුසුම්වැල්- තබා උගසට රහසෙම 

අරන් යන්නට දෙන්න අවසර - පෙමක් ලඟ මැව් සිහිනේම

සිනාසෙමි මම උන්නු තැන හිද කඳුළු පෙම් හිත රවටලා

සිහින් වැහිපොඳ වැටි සියොළඟ
ආදරෙන් හද කිතිකවා
පහන් සිතුවිලි මලානික වි
කඳුළු දෙනුවන් තෙත්කලා
වහන් කල සිත පෙමින් බොඳවි
සුදු වලාවක සැඟවිලා
සහන් හැඟුමන් පලායයි අද
කිසිත් නොකියම හිනැහිලා.

ඈත අහසේ පිපුන සඳවත
කඳුළු වැලකින් ගිලිහිලා
මෑත සිහිනේ දිලෙන තරු ලඟ
මලානික හිත හිරවෙලා
සීත ගගුලක තෙමි පැටලි
හඩන කවි සිත මියැදිලා
ගීත ගයනා විහඟ රෑනේ
නුඹත් කවියක සිරවෙලා

කඳුළු හීනෙක සැමරුමක් ලඟ
රිදුනු හදවත සැඟවිලා
මතක පැන්දිය වැටි දෙනුවන්
සීත කඳුලින් නහවලා
සුසුම් උණුසුම් මිරිඟුවක් ලඟ
මැරුණු හදවත නවතලා
සිනාසෙමි මම උන්නු තැන හිද
කඳුළු පෙම් හිත රවටලා

__ කළුවර හීනය__

 

ඉතින් යන්නට දෙන්න අවසර

  අකුරු ගලපා සිතැගි නලවා ලියු පෙම් කවි අහුලලා
සොඳුරු සිහිනෙක රටා මවනා නීල දෙනුවන් දෙස බලා
හදේ රැව්දෙන ගැස්ම හෙමිහිට නුඹේ නමටම ගලපලා
හැඟුම් ඇහිදා ලිව කවියේ තාලේ කොහෙදො හැන්ගිලා

අහස සරසන තරු මලක් ලඟ සඳ ඇවිත් අද නැවතිලා
මතක මළුවේ පෙම් හිතක් ලඟ නුඹත් කොහෙදො  හැන්ගිලා
කතා නොකියන පෙම් කතාවක පෙම්වතුන් ලෙස හිනැහිලා
ආදරෙන් හිත ආල වැඩු හැටි කඳුළු දෙනුවන් තෙත්කලා

  

දෙඇස් අද්දර හීන මැවෙනා සුපෙම් හදවත දකිනෙමයි
හදේ ගැස්සෙන තාලේ සිහි කර තවත් කවි පද ගලපමි
මගේ නොවුනත් සොඳුරු හිනෙට තවත් සිතුවම් අමුණමි
ලඟක නොරැඳි දුරක ඇදුනත් නුඹට පෙම් හිත පවරමි

_ කළුවර හීනය__

-------------------------------------------------------------------------

 ඔන්න කළුවර හීනය බලන්න එන හැමොන්ටම කියන්න අලුත් පනිවිඩයක් තියනවා... එ තමයි ටික දවසට මම හැමදේකින්ම ඇත් වෙනවා..

ඇත්වෙනවා කියන්නේ හැමදාටම නෙමෙයි ඉක්මනින් එන්න බලාපොරොත්තුවක් හද කොනක තියාගෙන.....යන්නේ නම් හිතේ කැමැත්තකින් නෙමෙයි එත් යන්න ඔනේම නිසා.. වැඩි ඇතකට නොවුනත් ඒත් ටික කාලෙකට විතර හැමොන්ගෙන්ම  දුරකට.. මගේ රැකියාවේ පුංචි වෙනසක් වුනා..එක නිසාම මට ලංකාවෙන් ටිකක් ඇතට යන්න වෙන්නවා.. අවුරුදු 4කට වගේ මේ පුංචි කාලයක්

 හම්ම්ම් පුංචිමත් නැ...

 හැමදේම වෙනස් වෙන්නත් පුළුවන් නැත්තනම් මේ තියන විදියට තියෙන්නත් පුළුවන්... මොනා වුනත් සයිබර් බක් මහා උළේලයි ගෙට්ටුවයි නම් මට මඟහැරෙයි එගැන පුංචි දුකකුත් තියනවා... කියන්න හුඟක් දෙවල් තිබ්බත් න් එ හැමදෙයක්ම හදවතේ කොනකම රඳවලා මම යන්නේ පරිස්සමට..

එහෙමනම් ඉතින් මන් යනවා කියන්නේ නැ එත් ලඟදිම එන්න බලාපොරොතුවෙන් ගිහින් එන්නම්

:)

 එහෙමනම්

නුඹට අහිමි සඳවතියයි මං

නුඹයි සුපුන් සඳ කිරණ
අහස් තලයේ
රැඳි කළුවර
එළිය කරනා සඳ

මමයි තරු කැටය
සඳ ලඟින් රැඳි විත්
රෑ පුරා අහස් ගැබ
ලඟ හිදන් දුක කියන

නුඹයි මගේ සඳ එළිය
අඳුරු හිත් අහස ලඟ
සඳ කිරණ විහිදුවා
එළිය කරන්නට හදන

ඉතින්
මගේ නොවෙනා මගේ සඳ නුඹ

රෑ එළිය කරන්නට
සඳක් සේ වැඩිය නුඹ
එපා සඳ කිසි දිනක
අමාවක කරන්නට

ආදරය....

ආදරය ගැන කට්ටිය කොච්චර නම් දෙවල් කතා වෙනවාද
එක එක අය තම තමන්ගේ වාසියට අනුව ආදරයට එක එක නිර්වචන දිලා
සමහරු ආදරය දකින විදියට නොවෙයි තවත් සමහරෙක් දකින්නේ
එක එකිනෙකාගෙන් වෙනස්ම වෙච්ච දෙයක්


යම් දෙයක පැවැත්තමකට කුමක් හො සම්බන්ඳතාවක් පැවතිය යුතුයි
අඩුම තරමින් ප්‍රාථමික මට්ටමින් හො...
හැමදෙයක්ම තුල කුමක් හො සම්බන්දයක් තියනවා
සමහරු මෙක දකින්නේ ආදරය විදියට
අපි අපි අතර තියන සම්බන්ඳතාවය දිගටම පවත්වාගෙන යන්න තියාගන්න මිනුම් දන්ඩක් විදියට හුඟක් ‘‘ආදරය‘‘ කියන වචනය පාවිච්චි කරනවා

එත්
කවුරු කොහොම මෙන නිර්වචනය දුන්නත් මම ආදරය දකින්නේ වෙනස්ම විදියකට

සමහරවිට මගේ තිරනයට ඔයාලා අකමැති වෙන්නත් පුළුවන් නොවෙන්නත් පුළුවන්

මට අනුව නම්

ආදරය කියලා දෙයක් මේ ලොකෙ නැ
මිනිහෙක්ගේ පැවැත්මට ඔනේ කරන
ආදරය සෙනෙහස කරුනාව දයාව
සැලකිල්ල ලිංගික ආෂාව ආකර්ෂනය එකි මෙකි නොකි ප්‍රාථමික අවෂයතාවයන් සපුරගන්න සිමාසහිත රාමුවක් ඇතුලෙන් අසිමිත බන්දනයකට යටත්ව තමන්ට විරුද්ද ලිංගිකයෙක්ව මුළුජිවිත කාලය පුරාවට හො යම්තාක් දුරට යම් කාලයක් තුල අයිති කරගගැනිම තමයි ආදරය විදියට දකින්නේ
සමහර විට අපිතොර ගන්න පුද්දගලයා අපි එක්ක මුළු ජිවිත කාලය පුරාවටම හිදිවි නැතිනම් ජිවිතේ යම් තාක් කාලයක දුරකට අපි එක්ක හිදිවි

මේ හැමදේම තිරණය වෙන්නේ ආකාර්ෂනය මත....

මම කෙනෙක්ට කැමති නම්
නිකන් හිතමුකො මම එයාගේ කොන්ඩෙට ආසයි(උදාහරණයක් පමණි)

ඒ කොන්ඩේ නිසා මම එයාව මුළු ජිවිත කාලයම එයාව මටම විතරක් අයිති කරගන්න උත්තසහා කරනවා ලඟින් තියාගන්න උත්සහා කරනාවා..නමුත් යම් දිනයකදි එයා ඒ කොන්ඩය කපනවා එත් එක්කම මගේ හිතතේ ඇතිවලා තිබ්බ සෙනෙහස හැමදේම එ වෙනසක් එක්කම නැතිවෙලා යනවා

එතකොට එතන පැවතිලා තියන සම්බන්දතවාටද අපි ආදරය කියන්නේ

නැහැ

එ ආකර්ෂනය

අකාර්ෂනයත් එක්කම පවතින බැඳිමක්
නමුත් හුඟක් අය ආකර්ෂනයට ආදරය කියා කියනවා එ දෙක පටලවගෙනඅතර රාමුවට යටත්ව ජිවිතය ගෙවනවා

දෙදෙනෙක් අතර යම් සම්බන්ඳතාවයක් පවතින තාක් කල් එදෙන්නා අහස් හුවමාරු කරගනි
දුක සැප විමසයි දෙදෙනා දෙදෙනාගෙම හැඟිම් සමඟකතා කරයි
හුවමාරු කරගනි
නමුත් එය ආදරය නොවෙයි

කෙනෙක් ගැන ඔබට වැඩිපුර හිතෙනවා නම් ඒක ආදරෙයි කියලා හිතන්න හදිස්සි වෙන්න එපා.....
කෙනක් ඔබ ගැන ඕනවට වඩා හිතනවනවා කියලා ඔබටම දැනෙනවානම් ඒකත් ආදරෙයි කියලා හිතන්න හදිසසි වෙන්න එපා.....
ආදරය කියන්නේ කෙනෙක් ගැන ඔබට හිතෙන එකවත් ඔබගැන තවත් කෙනෙක් හිතන එකවත්
නෙමෙයි......කෙනෙක් ගැන ඔබ හිතදදී එයා ඔබ ගැන නොහිතන්නට පුළුවන්..........
ඔබ ගැන කෙනෙක් හිතද්දී ඔබ එයා ගැන නොහිතන්නටත් පුළුවන්.....
ආදරයි කියන්නේ ඒ වගේ හුදකලා සිත්විල්ලක් නෙමෙයි......

දෙන්නෙක් එකම විට එකම හැගීමකින් එකම ගැඹුරකින් එකිනෙකා ගැන හිතන එකටයි ආදරේ කියන්නේ............
ඒක මහ පුදුමාකාර සිතුවිල්ලක්............
නමුත් බොහොවෙලාවට සිදුවන්නෙ අපි යම් කෙනෙකුට ආසා වුනොත් කැමැත්තක් ඇත් වුනොත් ඒ පුද්ගලයා ලාවා අපි පිලිබඳ බලෙන් සිතුවා ගැනිමක්
නමුත් ඇත්තටම එ පුද්ගලයාට අපි පිලිබඳ හැගිමක් ඇති නොවෙන්න පුළුවන්
එ නිසාම අපිට කලකිරිමක් ඇතිවිමටත් පුළුවන්
 නමුත් ආදරය කියන්නේ බලෙන් ඇති කරවා ගත නොහැකිදෙයක්..යම් කෙනෙකෙු ලවා බලෙන් සිත්තවා ගත නොහැකි දෙයක්

ආදරය යනු හුදෙක් සන්කල්පයක් විතරයි
ආකර්ෂනයෙන් මායාවෙන් ආසාවෙන් තෙරවෙච්ච පිවිතුරු සන්කල්පයක්
 කොන්දෙසි විරහිතව සිතේ උපදින පිවිතුරු සන්කල්පයක්

එක ආදරය වෙන්න පුළුවන් නොවෙන්නත් පුළුවන්

නමුත් කිසිකෙනෙකුට ආදරය බලෙන් ඇතිකරවන්න වත් බලෙන් ආදරය දෙන්නවත් බැහැ
එය කාලයාගේ ඇවැමෙන් ඉබේ ඇතිවිය යුතු හැඟිමක්
මට යම්කෙනෙක් ගැන ඇතිවන හැඟිමක්(ආදරයක්) සමහර විට ඔහුට හො ඇයට මා පිලිබඳව ඇතිනොවන්නට පුළුවන්
සමහර විට මට දැනේනවාටත් වඩා හොඳින් දැනේන පුළුවන්
නමුත් එක හුදෙක්ම හැඟිමක් පමණයි...

ජීවිතය බලෙන් තවත් ජීවිතයකට බන්දා තියෙන වරපට ආදරය නෙමෙයි......

ඒක බැඳීමක් විතරයි.......

බැදීම් විවිධාකාරයි....

බැදීමකට ආදරය කියලා කියන්න බෑ...

එක මිනිහෙක්ගේ ජීවිතය ඇතුලේ බැඳීම්
කීපයක් තියෙන්න පුළුවන්....

ඒත් ආදරයක එහෙම ගොඩක් තියෙන්න බෑ....


ඒක බොහෝවිට එකයි
ගොඩාක් අය ගැන ඔබට ගොඩාක් ඒවා හිතෙනවා....

සමහරුන්ටනම් දකින දකින කෙනාට පෙම් සිතුවිලි
එනවා....

ඒ අයගේ ආදර හැගීම හැමවෙලේම පිටාර ගලනවා...

ඒත් ආදරය එහෙම ලාබ දෙයක් නෙමේ....

දකින දකින කෙනා ගැන ඇතිවෙන්නේ ආශාවක් අනුරාගයක්.....

ආදරය කියන්නේ ආශාවක් නෙමේ...

අවශ්‍යතාවයක්......

ඔබේ හදවතට ආදරය අවශ්‍යයි.....

අපි හුඟක් වෙලාවට ආෂාවන් පසුසපස හඹා යයි
නමුත් අපි තුල ඇතිවන සියළු ආෂාවන් පිනවිම ආදරය නොවෙයි
 ආෂාවන් පිනවිම හරිම අසිරු දෙයක් 
එය මොහොතින් මොහොත වෙනස් වෙයි
දැන් ඇතිවන ආසාව තව සුළු මොහොතකින් වෙනස් වෙන්න පුළුවන්
සමහර විට දැන් අතිවු ආසාව තව පැයකින් අකමැත්තක් වෙන්නත් පුළුවන්

ආදරේ කියනදේ ඉක්මනට ලැබිය යුතු නෑ....


ඒත් පිළිවෙලකට ලැබිය යුතුයි.......(එකටත් යම්කිසි වෙලාවක් තියනවා ඒ වෙලාව එනතෙක් අපි බලා සිටිය යුතුයි)


ආදරය යනු ආෂාවෙන් තොර වු නිර්මල සන්කල්පයක්
 
 ඒකේ කෙලවරක් සිමාවක් මායිමක් නැ
එ හුදෙක් නිර්මල හැඟිමක් සිමා මායිම් නැති නිර්මල හැඟිමක්


මම පෞද්ගලිකවම ආදරය කියලා දෙයක් විස්වාස කරන්නේ නැ
ඒ හැමදෙකටම පවතින බැඳිම/ආසාව ආකර්ෂනය/වුවමනාව මායාව
ඔය සියල්ලෙම එකතුව/ පදනම ආදරයක් නොවෙන නිසාවෙනි



ජීවිතයේ අවශ්‍යතාවය නොපුරවා ඔබ ආශාවෙන් පිනවන ආදරයක් සොයාගත්තොත්
ඔබේ ජීවිතේ සදාකාලික හිස් බවක් තියෙනවා....

එහෙම උනොත් ඔබ සදාකාලික අතෘප්තිමත්........

ඒනිසා ආදරය අව්‍යතාවය හා ආෂාව හදුනගන්න......

කියපු කියමනක් මතක් වුනා
---------------------------------

සැබැ පෙම්වතුන් කිසිදා හමුනොවේ
හමුවු පෙම්වතුන් කිසිදා සැබැ පෙම්වතුන් නොවේ
__________________________________________________
ප්‍රේමය ලොව හැම තැනම ඇති.. හැමදෙනටම හමුවෙලා ඇති
එනමුත් ප්‍රෙමය කිමැයි කියා හදුනාගත් කිසිකෙනෙකු නැති

තව තවත් හද ගැහෙනවා.

සුළග තාලෙට ඇවිත් යනකොට
හිතේ කොනකට සිසිල එනවිට
හදේ ගැහෙනා රාවේ නොදැනිම
නුඹේ  නමටම සැලෙනවා...
තව තවත් හද ගැහෙනවා....
 

හිතේ නිලයන හැඟුම් අරගෙන
සුසුම් වැල් එකිනෙකට තබමින
හදේ රැව්දෙන නුමේ නමය
ලඟට විත් දඟ කරනවා
තව තවත් හද ගැහෙනවා

සුවඳ පතුරා පිපෙන කුසුමට
රේණු විහිදා ලෙලෙන සුලඟට
මලේ හැන්ගෙන සුවඳ අරගෙන
බඹරු ඉඟි බිඟි පානවා
තව තවත් හද ගැහෙනවා...

හින අහුරක් අරන් දෝතට
නුඹ ඇවිත් මගේ පාළු අහසට
යන්න දෙන්නම නොහැකි තරමට
මගේ හිත පෙම් බඳනවා
තව තවත් හද ගැහෙනවා.

ආදරය මමයි - ඒ සෙනෙහෙ නුඹෙයි

සඳ සාවි මමයි - සඳ එළිය නුඹයි
අහස සරසන සඳ සිසිල නුඹ නම්
මල් කැකුල මමයි - මල් සුවඳ නුඹයි
ඒ මල සරසන පිණි බිදුව නුඹ නම්

හිනයම මමයි - ඒ හිනේ නුඹෙයි
නෙතු සසනස පින් රුවම නුඹේ නම්
නිල් සයුර මමයි - මුදු රැල්ල නුඹයි
වැල්ල සනසන රන් වෙරළ නුඹ නම්
 
ජිවිතය මමයි- මගෙ හුස්ම නුඹයි
හදට උරුමවුන දයාවන්ත හිත නුඹ නම්
ආදරය මමයි - ඒ සෙනෙහෙ නුඹෙයි
දිවිය සනසන එකම පැතුම නුඹනම්

මල් මල් වැස්ස

මල් මල් හිරිපොද
වැටෙනා සවසක
හිත හිරිවට්ටන
නුඹේ සුවදත්
හද තරුළු කරන් මට
මේ මල් වැස්සේ
මල් කුඩයක් යට
අත් වැල් අල්ලන්
ඇවිදන් යන්නට
නුඹ හිටියා නම්
අදත්
එදා වගේ
මගේ ලඟින්...

.

.

.

.

.

.

.

කොච්චර ලස්සනද එහෙමනම් මේ හැන්දැව නේද??? 

 

_______________________________සෂි. 

පුංචි පුංචි හින මගේ

මම ආසයි....

මුවහත් පුංචි
බ්ලේඩ් තලයකින්
මගේ
අත කපාගෙන
අතින් ගලනා
රතුම රතු පාට
ලේ බිඳිති දිහා බලන්
ඒ ලේ බිඳිති වලින්
මට ඔය සුදු මුහුණ
බලන්න....
ඔය සුදු මුහුණ දකින...

මම ඊටත් වඩා අසයි

හයියෙන් ගැටහපු
කඹයක් වහලයෙන් ඇදලා
මගේ පුංචි බෙල්ල
එකෙන් හිර කරන්
දෙපැත්තට පැද්දිලා
ඔන්චිලි
පදින්න...

මම ඔය ඔක්කටම වඩා අසයි

රසම රස
වහ බෝතලයක් අරන්
රස කර කර බිලා
එ රසයෙන් තියෙන
මිහිරි බව
සති ගනන් වුනත්
මතක් කරන්න

මේ ඔක්කටම වඩා මම ආසයි

මහා රෑට
පාළු සොහොනක් ලඟට ගිහින්
අපේ ආදරය මරලා වළදාපු
ඒ සොහොන් කොත
ලඟට ගිහින්
මළ ගී වැල් කියන්න...
අපේ ආදරේ වෙනුවෙන්
මැරිච්ච හීන මවන්න...

අනේ මගේ මේ පුංචි
ආසාවල්
ඉෂ්ට වෙන්න
තව කොච්චරක් නම් කල් යයිද .....

______________________________________

රටා මවන ඔය රතැගිලිවලට පෙම් කරමි මම

දිගු සුසිනිදු සියුම් රතැගිලි අතර
සිතුම් මවනවා නුඹ නුඹට රහසේම
හද ගැහෙන ඒ සුපෙම් රූපේම
සියුම් හිතක් ඇත නුඹත් නොදකින

පාට මුසුවුන සියුම් කොලයක
කොල රූ මවන පින්සල් දිගට

රැලි රැලි සියුම් රුපෙන් එපිට
ලොවක් අඳිනවා නුඹ නුඹට රහසේම

රටා මවන ඔය රතැගිලි වලට
රුප අඳින ඔය සියුමැලි අතට
ලෝභ නෙවෙයි මම තාමත් මටම
අහිමි හිතක් ඇතිදෝ ඔය හිත ලඟ

සිතින් හිනැහි පෙම් කරමි තව මම
ලඟින් සැනසි හිදින්නට බැරි කල
නුඹෙන් මැවෙනා සියුම් රුපෙට
හිතින් පෙම් කරනවා මම මටත් රහසේම

 

_________________________.

නුඹ එනවාද හැමදමත් මගේ තනිය මකන්න

මල් පිපිලා සුවඳ හමන
සොඳුරු සවස විඳින්න
මම තවතමත් සිහින මවමි
නුඹ සමඟින් රැදෙන්න

හැන්දැවට සිත සුළං
මිහිර තනිව විඳින්න
මං තාමත් තනියෙම හිද
දුක කියනවා හැඩෙන්න

හිතරිදවන සොඳුරු මතක
තාමත් මෙහි දකින්න
මතකය හද දවනා විට
නුඹ එනවද ලඟ රැදෙන්න

මොර සුරන වැසි වැටෙවි
අපේ මතක වැහෙන්න
පුරුදු පරිදි නුඹ එනවද
මගේ හිතට හඩන්න

මතක ඇවිත් හනිකට යලි
නුඹේ රුවම මැකෙන්න
එපා යලිත් කෙදිනකවත්
අපිට අපිව ලැබෙන්න...

අවසාන කතාව(එක්තරා කතාවක්ම නොවේ) _________________

කඳුළුත් එක්ක ගණුදෙනු කරලා හිනාව මගේ ජිවිතේ ඇතටම ගිහින් තිබ්බ කාලේක හිතන්නෙත් නැති විදියට ඔයා මගේ ජිවිතේට ඇවිත් හිනාවේ තියන ලස්සන හුරුබුහුටි කම මට හරි ලස්සනට කියලා දුන්නේ ඔයයි වෙන කවුරුවත්ම නෙමෙයි ඒ ඔයයි.... ටිකෙන් ටික හුස්ම ගැහෙන රාවයත් එක්කම මම ඔයත් එක්ක හිනාවෙලා මම මගේ ජිවිතය වින්දා ජිවිතයේ ලස්සන දැක්කා...කාලයත් එක්කම මට මගේ ජිවිතේ දැනේන ගත්තා හැමවෙලෙමෙ මගේ ලඟ හෙවනැල්ල වගේ ඉදන් ජිවිතේ ලස්සන මට කියලා දුන්නේ ඔයයි ඒ ඔයයි...ජිවිත පොතේ ආදරය කියන...හිනාව කියන ලස්සනම ලස්සන පරිච්චේද වලට අකුරු කරන්න අයනු ආයනු කියා දුන්නේ ඔයයි....ඒ තරම් හිනාහවේ ලස්සන මට ජිවිතේ ට දැනුනා ඔයත් එක්ක මම ඒ සුවය වින්දා.....මම හිනා වුනා ඇත්තමයි හදවතින්ම මම හිනවුනා කාටත් නොතෙරෙන හැඟුම් ගොඩක් ලඟ මම ඔය හිතත් එක්ක හිනාවුනා....

ජිවිතේ මගේන් ඇත්වුන හිනහව මට ඔයා ලගාකරලා මගෙන් ඇතට ගියේ මට හිතන්නවත් බැරි හයියෙන්...තමත් මම නැවතුනු තැනම බලන් ඉන්නවා..ඇස් අඟ ඔයා ඉතිරි කරලා ගිය හිනාහවේ වියැළිච්ච කඳුලකුත් එක්ක... මට ජිවිතේට සතුටු වෙන්න උගන්නලා ඇස් අග කඳුලක් ඉතිරි කරලා ඔයා මගෙන් හුඟක් ඇතට අද යන්න ගිහින් හුඟක් ඇතට....අවසානයක් නොපෙනෙන හුඟක් ඇතට.....මම අඩනවා...ඔව් මම අඩනවා... මගෙත් එක්ක හිනාවෙන්න ඔයා මගේ ලඟින් එදා හිටියා...ඒත් අද මම අඩනකොට මගෙත් එක්ක අඩන්න අද ඔයා මගේ ලඟ නැහැ...හිනහාවේ නතර වුන කඳුළු අද මම ගනන් කරන්නේ තනියම......අඩන්න මම ඉගෙන ගත්තේ තනියම...අද ඔයා මගේ ලඟ නැහැ....හැමදාමත් මේ පුරුදු විදිය මම කඳුළු මුතු වලට ලස්සනක් එකතු කරයි....මම තනියම කදුළු වලට වටිනාකමක් දෙයි

මගෙන් ඇතට යනකොට මගේ මුව අග ඔයා නතර කර ගිය හිනාවටත්....නෙත් අග ඔයා රදවලා ගියා කඳුලටත් මම හැමදාමත් ආදරෙයි ඇත්තමයි ආදරෙයි....

කාලයක් ගත වුනා තමයි
හදාගන්නට මට මගේ හිත...
තාලයක් නැතිවුනත් මට
ලස්සනයි ඒ පෙම් හිත

ජිවිතෙත් සුන්දරයි අද
නුඹ හිටියනම් මගේ ලඟ
එත් දුක නැහැ දුරින් හිද වුව
පෙම් කරමි මං නුඹටම

නවතලා දුක් සුසුම්
තිත තබමි මම අද සිට
යලි එන්න‘පා තිතතැබුවේ මම
යලි නොහැරෙන්නම

යලි පණ නොගසමි පෙම් හිත...

 

__________________________සෂි.

කළුවර හිනය

මගේ බ්ලොග් එක හැඩ වුනේ ඔයාගේ මේ ලස්සන පින්තුර නිසා...
මගේ කළුවර හිනය හරියටම දැක්කේ ඔයා...මේ පින්තුරය මගේ බ්ලොග් පිටුව ලස්සන කලා....කළුවර හිනයට ගැලපෙනම පින්තුරයක් මේක....ඔයාගේ ඇහින් දැක්ක මගේ කළුවර හිකයට මම ආදරෙයි...ඒත් මට කළුවර හිනය ලස්සන කරන්න උදව් කරලා ඔයා කොහොදේ ඇතකට ගිහින්.....මම දකින මගේ කළුවර හිනයේ ලස්සන බලන්න අද ඔයා මගේ ලඟ නැහැ
මට තියන දුකත් එකමයි...

ජිවිතයේ සුව දැනේන වියේ ඔබ මා හැරදා ඇයිද ගියේ.....

වැටෙන කඳුලින් ගෙනෙයිනම් සුව
හද ගැහෙන ඒ රාවයේ නද
නුඹ දුටුව මගේ හිනයේ තුල
මං නොසිටියේ ඇයිද කියන් මට

කළුවරයි මගේ හිනයත් තව
නුඹයි හිනේට දුන්නේ ලස්සන
නොඑයිනම් තව නුඹ මසිත් අහසට
හින පෙනුනේ කොහොමදෝ මට

පෙනෙනෙ නොපෙනෙන හිත ඇතුලේ මම
හින දකිනව රෑයමේ කළුවර
ආදරෙයි මම ඒ නොදුටු හිනේට
මගේ නොවුනත් කළුවරයි තව මට

සිත තාමත් නුඹව සොයනවා

හිත නිරතුරුව තවම නුඹේ සිතුවිලි විමසනවා
නෙතු නිරතුරුම තාමත් නුඹේ රුවම සොයනවා
හද නිරතුරුව තාමත් නුඹේ පෙමම සොයනවා
මම නිරතුරුම තාමත් නුඹේ සෙනෙහෙ පතනවා

යලි කවදා කෙහෙදි අපි මුණ ගැහෙවිදෝ
හිත හැමදා ඒ පැතුමන් එක් කරාවිදෝ
නුඹ සැමදා සතුටින් සිනහා වෙවිදෝ
මගේ හැගුමන් කෙදිනකහෝ නුඹ දකිවිදෝ

නොලියෙනා කවිය

කඳුළු කවි කම් හිත දවයි නම්

නුඹ එන්නෙපා යලි කවි ලියන්නට

තවම නොලියෙන අපේ කවි පෙළ

 හිත දවයි නම්... නුඹ එන්නේපා

මගේ  හිත දකින්නට.....

යන්න යන්නම යලි නොඑන්නම

නුඹ එන්නපො මගේ ලොව දකින්නට

වෙන්නව ඉමු අපි අපේ ලෝකේක

කවිය නැ තව හිත හදන්නේ

                       අපේ කවි නැහැ අපි දකින්නේ.

මම මගෙමයි නුඹ නුඹේමයි අපි අපේ නොවෙනදා

හිනාවන්නම් මම  - නුඹේ නිල් නෙතු දිහා බලන්

නොහඩා ඉන්නම් - නුඹේ හසරැල් ලඟක තියන්

සෙනෙහෙ පතන්නම් - නුඹේ සිතුවම් ලඟින් ඉදන්

දිවි ගෙවන්නම් - නුඹේ වන්නට හැමදාම ඉතින්

හිත් රිදුම් සෝතැවුල් - දවයි මසිතම දැන්

නුඹ දුරයි සිත හඩයි - කඳුළු නැහැනේ දැන්

මගේ සුසුම් මා දවයි - නුඹ ලඟින් නැති නම්

තැවෙනු ඇයි රිදෙනු ඇයි -නුඹ මගෙමයි නම්

අපිට හිමි නැති පොලොතලයේ මසිත හඩවා

දුර ගියා නුඹ ඉණු කඳුලින් මගේ හිත දොවලා

හඩනු කෙලෙසද මගේ කඳුලැලි වියැකුනු දා

මම මගෙමයි - නුඹ නුඹේමයි-  අපි අපේ නොවෙනදා