දෙවැනි මවුනි...

නුඹ අත දිගුකරන හැම මායිමේ මම සැමදා හිදිමි
නුඹ තුටින් හිදි නම් සමදා මම තුටු වුනෙමි
නුඹ මගේ සොයුරියයි හද බැතියෙන් සැමදා පුදමි
ජාතිත් නුඹවන් අයෙක් ලැබුමට මම පිං කළෙමි

උණු කදුලැලි සලයි නෙතු තුල සැමදා සොවිනි
ඒ කඳුලක බර මට නොව නුඹහට දැනුනි
මා වෙනුවෙන් නෙතඟින් කඳුලක් හැලුනි
අන් කවරෙක්ද අක්කේ නුඹ හැර හිටියේ ලඟිනි

දෙවැනි මවුන් නුඹයි නිති මට මගේ ලොවට සදා
එක කුස නොයිපදුනත් නුඹ මගේ සොයුරියයි මෙදා
අපි පෙරු පාරමි මදි වුනි එක අම්මාගේ වන්න මෙදා
මතු භවයකදි වත් ඉපදෙමු සැනසෙන්නට සැමදා