තරු තාම නුඹ සොයනවා

සුදු සඳක් පායා ඇවිත්
රෑ අහසම එළි කලා
එ සදේ රැලි තුලින්
නුඹේ රුව සිත්තම් කලා

එළිය දෙන සිසි ලඟින්
තරු ඇවිත් රෑ සැනසුනා
දිදුලනා තරු කැටෙන්
සඳ තවත් හිනැහුනා

පාළු රෑ අහස ලඟ
සඳු මෙහෙම හිනැහුනා
තරු නොකි පෙම් පුවත
සඳු ඇවිත් කෙදිරුවා

සුදු සදේ රැළි මැවු
නුඹේ වත සිහිවුනා
තරු ලඟින් එළිය දෙන
නුඹේ නුවන් කැලඹුනා

හැමදාම රෑ මම ඇවිත්
අහස් කුස පිරලා
සඳු නොමැති රෑ ලඟින්
තරු නුවන් සොයනවා

පෙරුම් පිරු අහස ලඟ
තරු යලිත් තනිවුනා
හැමදාම රෑ පුරාවට
සඳක් වි නුඹ ඇවිත් තිබුනා

______________________________ _________-

මගේම මිතුරියගේ වෙලා නුඹ

මටත් හිමි නැති
පෙමක් ඇත තව
හද කොනක දැන්
සැඟවිලා

නිමක් නොපෙනෙන
අරුම සෙනෙහස
ඇත මසිත තුල
තෙරපිලා

ලෙවට නොපෙනෙන
අසම්මත පෙම
ඇත කොනක හද
රැදවිලා

මටද හිමි නැති
නුඹත් හිමි නැති
පෙමක් හද තුල
ගුලිවෙලා

අහිම සඳ නුඹ
හිතින් පෙම් කර
හිදිමි මම මෙහි
නැවතිලා

අරුත නොපෙනුන
නුඹයි මගේ පෙම
එත් නුඹේ හිත
අන්සතු වෙලා......

මගෙම මිතුරියගේ වෙලා.....