තරු තාම නුඹ සොයනවා

සුදු සඳක් පායා ඇවිත්
රෑ අහසම එළි කලා
එ සදේ රැලි තුලින්
නුඹේ රුව සිත්තම් කලා

එළිය දෙන සිසි ලඟින්
තරු ඇවිත් රෑ සැනසුනා
දිදුලනා තරු කැටෙන්
සඳ තවත් හිනැහුනා

පාළු රෑ අහස ලඟ
සඳු මෙහෙම හිනැහුනා
තරු නොකි පෙම් පුවත
සඳු ඇවිත් කෙදිරුවා

සුදු සදේ රැළි මැවු
නුඹේ වත සිහිවුනා
තරු ලඟින් එළිය දෙන
නුඹේ නුවන් කැලඹුනා

හැමදාම රෑ මම ඇවිත්
අහස් කුස පිරලා
සඳු නොමැති රෑ ලඟින්
තරු නුවන් සොයනවා

පෙරුම් පිරු අහස ලඟ
තරු යලිත් තනිවුනා
හැමදාම රෑ පුරාවට
සඳක් වි නුඹ ඇවිත් තිබුනා

______________________________ _________-