සිරුවට ඇද වැටෙන
සෝසුම් වල නඳින්
දෙකන් මගේ පිරි ඇත
හිරිවැටෙන තුරු හිතත්....
ආදරය වගුරුවා
මිරිඟුවක සේයාව
හද කොනක රඳවලා
ජිවිතේ මහා දුකක් යැයි
හිනැහිලා පවසන්න
රැගෙන මල්සමය මහදට
වඩින තුරු මම ඉන්නේ
අද එතැයි නුඹ.... හෙට එතැයි නුඹ
කියා දැන් මඟ බල බලා...
මේ දිවියෙ රුදුරැ සරතැස
නිවාගනු පිණිස
අකුරු කැට අහුලලා
මම ලීයු ගී සෑය ලග
දෙදණ තබා අයදින්නෙම්
අද හෙටත් මතු මතුත්
විඩාබර වු හද කොනට
ගෙනෙන කෙත්
සැනසුමක් හනිකට.....
පිපාසට නිවන්නට ලැබෙන
දිය බිදක් ලෙස.....
කළුවර හීනය
2018-06-28
අනේ දෙයි හාමුදුරුවනේ......
මට
හිස උඩට වඩා නැගි
දුක් කන්දරාවක්
මහ බරක් ලෙස හිතට මගේ අද
වද දෙනව...
බොහොමක්
අනේ; පිං සිද්ද වෙයි දැන්
හිත ටිකක්
ලිහිල් කර ණය බරත් බුරුල් කර
දුන්නොතින් නම් නුඹට බුදු බව ලැබෙනවා....
හැමදාම දුක කියුවේ මම
නුඹට මිස
නැහැ වෙනත්
දෙවි කෙනෙක් හට
එහෙව් මා දෙස නොවරදිම
අදත් බලනු මැන කියා දෝත මුදුනිත්
තබා මම වදිනවා....
____________________________________
අනේ බොල ගැණියේ
මටත් ඇත්තේ කන් දෙකකි
හැමදාම දුක කියන
මහා ගොඩක් සෙනගත් වෙතේ...
ඒ සෙනග අතරින්
නුඹට ඇත්තේ
දුක
දිය අඟල් උල්පතකි
කිසිදාක නිම නොවෙන
කිසිදාක
නොම සංසිදෙන....
මටත් දැන් හරි වෙහෙසයි
උඹේ දුක
අහලාම
නුඹට පිහිට විලාම...
මගේ
කන රිදුම් දෙයි
නැහැනේ උඹේ ඉවරයක්
දුක දුකම පොදි බැදන්
හැමදාම හැමවෙලෙම
නුඹම විතරක්
නෙමෙයි
තව හුගක් අය වෙති මගේ පිහිටක්
බලාගෙන අද
මමත් මේ හනි හනික හොයනවා දිවා රෑ
උඹේ කන්නලව්වෙන් බෙරෙන්න
දැන් තව දෙවි කෙනෙක් මෙලොවට....
උඹට විතරක් නෙමෙයි යෝධියේ
දිවියලොකේත් ප්රෂ්න කන්දක් තියෙනවා...
කළුවර හීනය
( අදහස;. බුකියේ දැක්ක කතරගම දෙයිහාමුදුරැවනේ කවිය )
