Tuesday, March 26, 2013

බෝ මළුවේ විරාමයක්

පායපු පුන් සඳ
එ සඳ වටා විහිදෙන කහා සුදු එළිය
සඳ දිහා බලන් ඉන්න මොහොතක් පසා මගේ හිත වෙනමම ලෝකයකට ගෙනියනවා වෙනමම දැහැනකට හිත පටවනවා ඇත්තම කියුවොත් මගේ කවි හිත තව තවත් දළුලනවා
ඇතින් ඇහෙන ඝණ්ටාරේ නාදය දෙකන් පෙති වලට එක්කර සැනසිම කියන්නට ගලපන්නට මට ඇත්තටම වචන නැ....

සුදුවට සුදුවේ සැරසිලා සුදුම සුදු මල් වටියක් තෙල් මල් හඳුන්කුරුත් අරගෙන පුරුදු විදියට මම අම්මාත් එක්ක පන්සලට ගොඩ වුනේ හිතේ වෙනසකටත්  එක්ක..හැමදාම ජිවත්වෙන එකකාරි පරිසරයෙන් මිදෙන්න හිතාගෙන..
සමහර විට මගේ හිතේ තිබුන ව්‍යාකුලත්වය හොඳින් තෙරුම් ගත්ත නිසාමදො අම්මා මට පන්සල් යන්න කතා කලේ
මගේ හිත දැන් හරිම ව්‍යකුලයි
කියා ගන්න බැරි හැඟිම් රාෂියක් එකතු වෙලා හිත පිරිලා
සමහර විට අම්මා මගේ හිත කලින් ඉඳන්ම කියවන්න ඇති

ඇත්තමයි මගේ හිත මගේ අම්මා තරම් කියවුව කෙනක් තවත් නැති තරම්

පන්සල් භුමියට ඇතුල් වෙනවත් එකම හදවතට කතා කරපු ඒ මල් සුවඳ ඇතින් හමාගෙන ආපු හඳුන් වැටි සුවද... හදවතත් ඇසත් එක්ක හදාගන්නේ අමුතුම සම්බන්ඳයක්
 

-----
 

විහාර භුමියේ පුදුම කලබලයක්
සුදුවට සුදුවේ ඇදගෙන වුන් හුඟක් ඇයො හරිම කලබලෙන්
මල් පුජා කරනවා හඳුන් කුරු පහන්වැටි දල්වනවා
සමහරු බෝධිය නහවනවා
තැන තැන ඇදිගෙන වුන් සමහර ඇයෝ ගාථා කියනවා... භාවනා කරනවා
ඇත්තටම සුන්දර කලබලකාරි පරිසරයක්

මමත් අම්මාත් මල් පුජා කරලා පහන් පතුත් කරලා වැලි මළුවේ වාඩි වුනේ ගථා කියලා භාවනා කරලා හිත ටිකක් සැහැල්ලු කරගන්නයි

ටික වේලාවක් භාවනා සුවයෙන් හිටිය මම දෙනෙත් විවර කරමින් පන්සල් භුමිය දිහා විමසිලිමත් ඇස් යොමුකලේ අම්මා කොහෙදැයි සෙවිමටයි

අම්මා චෛතය ලග තියෙන ගල්පඩියක ඇදිගෙන භාවනා කරනවා..
මම හෙමින් හෙමින් ඇගේ දෙසට ඇදුනා
ඇගේ දැහැන බිඳිමට මම අකමැති වුන නිසාම ටිකක් එහැයින් වෙන්න ගල් පඩියක මාත ඇඳි ගත්තේ අම්මා දෙනෙත් විවර කරපු සැනින් පන්සලේ හාමුදුරුවන් මුණ ගැහෙන්න යන්න හිතාගෙනයි...

හිත ටිකක් සන්සුන් කරගනින් දුවේ
පුළුපුලුවන් වෙලාවට පන්සල් පැත්තට ඇවිල්ලා
හිතේ ප්‍රෂ්න තියෙනකොට කිසිදෙයක් හරින්නේ නැ


ඇත්ත
අම්මා කියන දේ මට නොවැටහෙනවා නෙමයි
හොඳින් තෙරෙනවා
නමුත්
හැමදාමත් ගෙවෙන මගේ ජිවිත ඔරලොසුවට කවදා නම් සැනසිමක්ද
සමහර විට මේ දැල්වෙන පහන්සිල හමා එන හදුන් සුවඳ මවන මේ අමුතුම ලෝකයටත් බැරිවෙයි එ හිතට සැනසිමක් එකතු කරන්නට
---

සිලි සිලි හඩින් නද දි බෝ පත් තුරුලේ
සැලෙනා එකම බෝ කොලයක් සසරේ
නිවමින් ගිමන් මඟ හැර දුරු කතරේ
යන්න පතයි බිඳ බාධා සසරින් එතෙරෙ

දැල්වෙන පහන් ආලොකය සෙවනේ හිද
හමනා සඳුන් සුවඳින් හද ඔකද කර
පැයු සුපුන් සඳ ගෙන එන එළිය විඳ
යන්නට මඟක් සෙයමි මම සසර හැර

පැගෙන පයට එක වැලි කැටයක් ගානේ
ගෙවනා දිවියේ දුක උහුලමි හැම වාරේ
ලබනට සැනසුමක් මම මේ දිවි කතරේ
සැමදා පතනවා හිදිමින් සමිඳුගේ සෙව

හිනැහි රඟන මල් කැකුලක සුවඳ
තවරා හදින් පුද දි බො සමිඳු ලඟ
වන්නට එතෙර බිඳදා බැමි සසර මඟ
පතනවා සමිඳුනේ හැමදා නුඹේ සෙවනේ හිඳ


Friday, March 22, 2013

මේ ඔහුගේ පාපොච්චාරනයයි



සැඟවුනු කතා රාෂියක් හද තෙත් කරමින් නුඹ ගැන මතකය මගේ හදවත සැරින් සැරේ පාරවයි
පිරිමි හදක් ..ගැහෙන හිතක් ...රළු පපවුක් ...උනුසුම් හිතක්...
මා දැරුවත් නුඹ ගැන අංෂුමාත්‍රයකින් හො මම නොසැලකුවත් නුඹ වෙනුවෙන් මගේ හදවත නොනැවති ගැහෙන බව නුඹ නොදන්නා බවට නම් කිසිදු රහසක් කිසිදු සැකයක් නොමැති තරම්ය...

ඔව් ඇත්තනේම නුඹ නොදන්නිය

මගේ හදවත නුඹ වෙනුවෙන් නතර වුන වාර අනන්තයි

නුඹ නොදන්නවා වුවානට නුඹට නොපන්නුවා වුනාට මම නුඹට ආදරෙයි සත්තයි

 කිසිදා නෙපෙන්නුවත් නුඹ වෙනුවෙන් මා හදවත ගැහෙන වාර මටවත් සිතා ගත නොහැකි තරම්ය

අහම්බෙන් මෙන් නුඹ මගේ දිවියට ලඟ වුයේ සිතාගත නොහැකි ඉසව්වක මාත් මගේ හිතත් අතරමං වි සිටියෙදිය..කුණාටුවක හසු නෟකාවක් වෙරළ ොයාගෙන ඔේ මුහුේ පාවෙනවා ේ ගන්ධබ්බ අවධික වුන් මේ සිතට සෙනෙේ පිනි සිසිල ගෙන ේ නුඹයි

නුඹට අේකවාරයක් පින්
  නුඹ තාමත් ඉගෙන ගන්නා පුංචි දැරිවියකි... කෙලිලොල් බවින් හා විනොදාත්මක බිවින් පිරි සරල දිවියක් ගත කරන සොදුරු තැතැන්තියකි...
නුඹ මේ දිවියම  වෙනස් කල බව නම් සත්‍යයි

අහම්බෙන් මෙන්  නුඹ මගේ දිනයට පැමිණි දා පටන් අප දැන හදුනා ගත්තේ කෙටි පණිවිඩ වලිනි දවසට කෙටි පණිවිඩ දෙකක් තුනක් හුවමාරු වුනත් සමහර දාට හුවමාරු නොවි තිබු දිනයන්ද නොතිබුනාම නොවෙයි..නුඹ මේ පාසල් කාේ මගෙත් එක්කම සිටි ොඳම මිතුරෙකුේ ලඟම මිතරියක්ය..නුඹ පිලිබඳව මේ සිත අේක වාරයක් විමසිලිමත් වුනත් එය පිටතට ොපෙන්වා සිටිමට මම මහත් උත්සහායක් දැරුබවට නම් සතයයි.
නුඹ සමඟ මොහොතක් කතා කරන්න ඔය කටහඩ මොහොත් අහන්න මට වුවමානව තිබුනාත් දුරකතන අංකය ඉල්ලිමට තරම් මගේ හිත එඩිතර නොවුයේ  ඇයිදැයි කියන්නට මම තවමත් නොදනිමි
එත් අහම්බෙන් මෙන් දිනයක
අයියේ මටත් මාකටින් කරන්න ඔනේ විස්තර කියන්න පුළුවන්ද
කියලා මගෙන් අහලා එවපු  කෙටි පණිවිඩයත් සමඟ නුඹ හා දොඩමළු වන්නට අවස්ථාවක් ලඟා කරගැනිමේ අදිටනින් මම නුඹෙන් දුරකතන අංකය ඉල්ලුවෙමි
ලැබුනු පිළිතුරු පණිවුඩයත් සමඟන් මට චකිතයක් ඇති කලත් නුඹෙන් ඇමතුමක් ලැබෙතැයි බලාපොරොත්තුවෙන් මම පසුවුනෙ බලාපොරොත්තුවේ  දැස් දල්වාගෙන...
කිසිදා නුඹ හැබැහින් දැක නොතිබුනත් ඇයි මම නුඹ ඉස්සරහා මෙතරම් නැවුනේ
අදටත් ප්‍රෂ්නයක්

පැය භාගයකට විතර පසු ජංගමය නාද විය
ඒ නුඹම විය යුතුය

චකිතය මැඩ පවත්වාගෙන ජන්ගමයට පිළිතුරුදුන් මා
හිනැහි කතා කරපු නුඹේ හඩ ස්වරයට ඇහුම්කන් දුන්නේ හරිම ආසාවෙනි
ටික වෙලාවක් සන්වාදයේ යෙදුනත් නුඹ මා අතර ඇති ආගන්තුක කම පහව ගියේ ඇයි දැයි කියන්නට නොදනිමි
ජිවිතේ පළමුවතාවට නුඹ හා කතා කලත් කිසිදා නුඹ මා දැන නොසිටියත් කිසිම නුහුරුදු නුපුරුදු බවක් මට නොනැගුනේ ඇයිදැයි කියන්නට මම තවමත් නොදනිමි

නුඹටත් එසෙමැයි මම විෂ්වාස කරමි
ජීවිතයේ මුල්ම වරට නුඹ  මගේ දුරකතනයට ඇමතුවේ සොයුරියක ලෙසින් ඉතා වැදගත් යමක් මගෙන්  පැහැදිලි කර ගැනිමටයි. නමුදු ඉතා දඟකාර හා කෙළිලොල් ලෙස වචන හසුරවමින් නුඹ මා හා කතා කළේ හුරු පුරුදු තැනැත්තියක මෙනි. එහිදී මීට පෙරත් මා ඇය හා කතා කර නැති බව ඇය මට මතක් කර දුන්නේ තවමත් නොමළ මිනිසුන් වූ අපට සියල්ල අමතක කළ නොහැකි බැවු පසක් කර දෙමින් විය යුතුය. ගිරවියක මෙන් කතා කරන ඇය දුරකතනයෙන් වුවද මා ගැන සියල්ල දන්නා අයෙකු විලසින් කතා කිරිම මට තවමත් පුදුමයකි.
 සමහර විට නුඹට පෙම්වතෙකු නැතිවා විය හැකිය.
මද වෙලාවක සන්වාදයකින් පසුව ඇමතුම විසන්දි වුවත් නුඹ මගේ හදවතටකතා කර අවසන්ය
ඉන් පසු දින කිහිපයක් අපි දුරකතනයෙන් අදහස් හුවමාරු කරගත්තත් නුඹ හා තවදුරටත් කතා කිරිමට ලද ආසාව හා කැමැත්ත නිසාම දවසේ වැඩිහරියක්ම මම නුඹ හා කල් ගෙව්වෙමි
කාලායාගේ ඇවැමෙන්  නුඹ මාගේ ලඟම මිතුරිය වෙයි හොඳම විස්වාසවන්තිය වෙයි
නුඹ මගේ හදවට කතා කරන වාර ගනන් කල නොහැකි තරම්ය
කාලයගේ ඇවැමෙන්ම මම නුඹේ පෙම්වතා වෙයි

නුඹ මට මහමෙරක් තරම් ආදරය රැගෙන මගේ හදවට පැමැණි අයුරු මට තමත් හීනයක් ගෙයි

නුඹ ලඟ මගේ සිත නැවතුනු හැටි තාමත් පුදුමයි
වරක් ප්‍රේමයෙන් ලද පරාජය නිසාම තව ලඳක් වෙනුවෙන් සිතේ නොපයිපදුන සෙනෙහස අන් ලඳක් ලඟ නොනැවතුනු මගේ හිත නුඹ නුඹ ඉදිරියේ නතර විමට හේතුව අදටත් මම නොදනිමි
සමහර විට එ නුඹ හුදෙක් සරල ජිවිතයක් ගත කර දඟකාර යුවතියක් විම නිසාවෙන්න ඇති
නැතහොත් නුඹත් මමත් සිතන පතන අයුරු එක හා සමාන වු නිසා වන්නටත් ඇති කෙසෙවෙතත් මම නුඹට පෙම් කරපු වගනම් සතයයි
ජිවිතේ දෙවනි පුණරාගමනය
නුඹ වෙනුවෙන් මගේ හද නැවතුන බව නම් සතයයි
ප්‍රේම ආරාධනාව ස්ථිර විමත් සමඟ දෙමැපියන්ගේ කැමැත්තද ඇතිව අපි අපේ ලොක්ය ගොඩ නැගුව බව මතක් වෙන විට තවමත් නෙත සැලෙයි
නමුත් කාලායාගේ ඇවැමෙන් මට වැටහුනු එක දෙයක් වෙයි
එනම් මා නුඹට ඇත්තටම පෙම් නොකරන බවයි හේතු කාරනා කොපමන සිතුවත් නුඹ වෙනුවෙන් ආදරයක් බලෙන් හො උපද්දවා ගන්නට සිතුනත් එය කොපමණ උත්සහ කලත් මගේ හිත මටම පරාජය විය
නුඹ හුදෙක් මට සොහොයුරියකි මිතුරියකි
නුම වෙනුවෙන් මගේ හදවත නැවතුනත් ආදරයක ඡායාවක් හැටගැනුනත් නුඹ මා පෙම්වතිය කරගැනිමට තරම් මම පොහොතක් නොවිමි..වසානවාන්ත නොවිමි...
එයට හේතුව අදටත් මා නොදනිමි
දිනෙන් දින මම නුඹේන් ඇත්වන්නට උත්සාහා කලේ නුඹ ඇති ආදරය අඩු නිසා නෙවිය හැක
නුඹ දුක්විහිදුනු මට බලාසිටිය නොහැක
වරක් නුඹත් ප්‍රේමයක් වෙනුවෙන් කඳුළු සැලු යුවතියකි
එ බැව් දැන දැනත් තවත් නුඹව දුකටම ඇද දැමිමට මට නොහැක
නමුත් ම කිසියම් වු හුදකලා හැඟිමක් නොමැතිව නුඹ වෙනුවෙන් මගේ ජිවිතයද කැප කල නොහැක මේතිරණයක් ගතයුතු හොඳම වෙලාවය

තමබු අපි විරාමයක්
අපේ ආදර කතාවට
කිසිදාක ඉටුනොවෙන
අපේ ආදර කතාවට

එම නිසාම දෙවරක් නොසිතා මම නුඹෙන් ඇත් වුයේ තවදුරටත් නුඹ දුක ඇදදැමිමට නොහැකි නිසාමය

හදවත කියන දේ නොසිතා බුද්දියටම කන් දුනිමි

මම මගේ හදවතටම සාප කලෙමි
නුඹ උහුලන දුක මට නොදැනෙනවා නෙවෙයි
නමුත් ජිවිත කාලයම දුක් වෙනවාට වඩා තවකාලික දුකකින් සිත සුවපත් වෙ යැයි මගේ එකම අදහස විය
එමනිසාම මම මගේ හදවත ගලක් කර ගනිතිමි
නුඹට නෙදැනුනත් මම නුඹට පෙම් කිරිමට උත්සහා කල බව නම් සතයයි
නුඹේ මගේ කර ගැනිමට ම දැරු තැත ගැන ම කියන්නට උත්සහාකරන්නේ නැත
නමුත් මා අදටත් දුක් වෙන යම් දෙයක් වෙයි
එනම් නුඹ වෙනුවෙනවන් දෙපාර්ෂවයෙම දෙමාපිය ආෂිර්වාදය පැතිමයි
කෙසෙවෙතත් මා නුඹට පෙම් කර බල සතයයි
නුඹ වෙනුවෙන් කිසිදු හැඟිමක් මාතුල ඇති නොවන්නේ මන්දැයි පැවසිමට මම අදටත් නොදනිමි
එය මාගේ අවාසනාව විය හැක
නුඹ වන් පෙමවතියකගේ ආදරය නොලැබිමට තරම් මා අවසානාවන්ත විය හැක

සියල්ල සිදුවි හමාරය
සියල්ල කාලයා විසින් විසදා හමාරය
මට පැවසිම ඇත්තේ මෙපමණයි
තව දුරටත් මාවෙනුවෙන් කඳුළු නොසලන්න
නමුත් මා නොදන්නවා නෙවෙයි කොපමණ මා නූඹට කිවත් හදවතට අවනතව එය සිදු කල නොහැකි බව
අවසාන වෂයෙන්

මට සමාවෙනු මැනවි



මේ ඔහුගේ පාපොච්චාරනයයි

 -----

මතක සැමරුම් ලියා තැබුවත්
සමරු පොත පිටු ගිලිහිලා
අහම්බෙන්වත් මගේ පිටුවක්
ඇතිද බලපන් පෙරලිලා

නුඹව දකිනට එකම මොහොතක්
සිත මෙන්ම නෙත පෙම් කලත්
නෙතග කඳුළට ඉඩක් තැබුවේ
නුඹයි දුරකට නික්මිලා

සුළඟ පවසන සොඳුරු රහසක්
උයන් තෙර හිඳ විමසලා
විවර කර හද බලා ඉන්නම්
දිනෙක ඔබ යලි එන තුරා


ප.ලි - මෙ ඔහුගේ පාපොච්චාරණයයි කලින් වතාවේ මම ලියපු  මේ ඇගේ පාපොච්චාරනයයි ලිපියට  ඔහු ලියන පිලිතුරු ලිපියයි.
පිරිමි හිතකට ගිහින් ලියන්න හදපු පුංචි මගේ ලොකු උත්සහයයක් කොයි තරම් සාර්තකද කියන්න දන්නේ නැ (ගැණු හිතකින් පිරිමි හිතක් හිතන්න බැනේ )
මේ කවියක් ඒ ලිපියේ මම ලියපු කවියට මම නොලියපු එත් එ කවියට මට ලැබුනු පිලිතුරු කවියක්



Wednesday, March 20, 2013

මේ ඇගේ පාපොච්චාරණයයි



මම හුදකලා වන සැම මොහොතකම මට නිරායාසයෙන්ම ඔහු පිලිබඳ සිතුවිලි ගලා එන්නේ දෙනත් තෙත් කරමින්ය
අතිතයක පැටලිච්ච මිය ගිය ආදරයක නටඹුන් සමඟින් තනිවන සෑම මොහොතක් පාසාම මම හිතින් දුක් විඳිමි නෙතින් කඳුලැලි සලමි හදවතින් දස දහස් වාරයක් මම මටම සාප කරගිනිමි.
එකඳු මොහොතකදි හො පාසා මම මගෙන්ම අසන එකම එක ප්‍රෂ්නයක් වෙයි එනම්


මගේ සිත ඇයි නුඹ ලඟ නතර වුනේ

එපමණයි
අදටත් පිලිතුරක් නැති ප්‍රෂ්නයක්


ආදරය විදිමට පමණි විඳවිමට නොවෙයි
නමුත් මාගේ පාර්ෂවයෙන් බලන කල සදා විදවිමක් හැර විඳිමක් නොමැති තරම්ය



නිදහසේ ගලාගිය සිතුවිලිත් සමඟින් ඔය පිරිමි රුව ඔය පෞර්ෂත්වය ඔය ගොරොසු කටහඩ ඔය හැඩි දැඩි පෙනුම..
පිටතින් පෙනුන රැව පමණක්ම නොවේ
ගැහෙන නුඹේ හදවත ඔය සිතුවිලි හරි අපුරුවට කෙනෙක්ව වසඟයට ගන්නා අහින්සක දඟකාර අඩම්බර කම
ඉඳිරියේ ඔනැම ගැහැණු හිතක් නොනැවතෙන්නේ නම් එය පිලිගැනිමට නොහැකි තරම් කරුණක්ය


මාත් එසෙමය ඔය පෙනුමට ඔය කට හඩට ඔය ජව සම්පන්න සරිර කුඩුවට ඔය ආදර බර හිතට  මාත් පෙම් කලෙමි


හැඟිමකින් මියැදි පෙම් කිරිමට නොහැකි තරම්ය

එ නිසාම මම නුඹ පිලිබඳ වු සියළුම හැඟිම් සමුදායන් මගේ සිත තුල තැන්පත් කරගනිමින් මම නුඹට පෙම් කලෙමි ශරිරයෙන් පිට වෙන අවසන් ලේ බින්දුව තෙක්ම මම නුඹට පෙම් කලෙමි.. වචනයේ පරිසමාප්ත අර්ථයෙන්ම මම නුඹේ වි අවසන්ය ඔය හිත ලඟ මා නැවති අවසන්ය..



ඔව් මම නුඹට පෙම් කරමි නොනැවති පෙම් කරමි

නුඹ මගේ නෙත් ඉස්සරහා දඟපාන සැම මොහොතකම මම මටත් හොරෙන් ඔය සිතුවිලි අද්දර දැහැන් ගතවන බව නොසැඟවිය හැකි රහසක්ය

සත්තයි
ඔය ඇස් ලඟ
මම
තාමත්
අසරණයි

කාලායාගේ ඇවැමෙන් නුඹ මාගේ හොඳම මිතුරාවෙයි

මගේ එකම විස්වාස වන්ත පුද්ගලයා වෙයි

තවත් කාලයක ඇවැමෙන් මගේ ජිවිතේ මම හැමදේම බෙදාගත් එකම තැනැත්තා වෙයිකොටින්ම කියුවොත් මම  අවසර නොලත් පෙම්වතිය වෙයි

ඔහේ ගෙවි යන කාලයකට පසු මමම නුඹේ පෙම්වතිය වෙයි  
මා නුඹට ප්‍රේම කලේ ඇයිදැයි කියන්නට නොදනිමි
මා නුඹට වසඟවුයේ ඇයි දැයි කියන්නටනොදනිමි
මානුඹේ වුයේ ඇයිදැයි කියන්නටනොදනිමි
නමුත් මා දන්නා යම් කරුනක් වේද එනම් මා නුඹට පෙම් කලෙමි
හදවත පතුලෙන්ම ආදරය කලෙමි
අදටත්එහි කිසිදු වෙනසක් නැත



මම දන්නා තරමින් නුඹ මට පවසා ඇති අයුරින් නුඹත් වරෙක ප්‍රේමයෙන් පරාජිත වුවෙකි

ලද පරාජය නිසාම තවත් හදක ලන්විමට නොහැකි අයුරින් ලත වුවෙකි බියවුවෙකි

මාත් එසෙමය.

නමුත් කාලයාගේ ඇවැමෙන් අපි පෙම්වතුන් වුවෙමු

නුඹේ සිත අද්දර දැහැන් ගතවෙන එකම භාවනාව මම විමි

නුඹේ සිත සනසන එකම පිනි සිසිල මම විමි



නුඹේ අත මා ස්පර්ෂ කරන සැම මොහොතක් පාසාම මම නිරුත්තර වෙයි නුඹේ අතින් මා‘ත ගන්නා සැම මොහොතක් මම ගල් ගැසිමි
 ඒ නුඹ ස්පර්ෂ කරන්නේ මගේ අත නොව මගේ සිත වන නිසාවෙන්ය

නුඹේ එකඳු වදනකින් එකඳු කැල්මකින් පවා මගේ හදවත ස්පර්ෂ නොකල දිනයක් නැති තරම්ය 
  
නුඹේ එකදු වදනක් හො මගේ හදවත සසල නොකලේ නම් අදටත් නුඹ වෙනුවෙන් මගේ දෙනෙතින් වැටෙන කඳුලක් කඳුලක් පසා මම මටම සාප කරගනිමි....මගේ පිබිදෙන සැම හැඟිමකටම හැම සිතුවිල්ලකටම නුඹ නුඹම පමණක් පදනම විය....නමුත් නුඹේ අවසානාවට නුඹ මගේ සියළුම දේටම හේතුව වි අවසානය



කාලය කොරම් දිගු වුවත් නුඹ මා හමුවුන වාර... නුඹ මා දෙඩමළු වුන වාර මට තාමත් එකින් එක පෙල ගැස්විය හැකිය

වචනයක් නෑර නුඹට ඉදිරියේ ගෙනවිත් තැබිය හැක


එකි අතිතය මා කෙසේ අමතක කරන්ද

මගේ ජිවිතේ ගෙවුන හොදම කාලය

සමනල වසන්තය කෙලෙස නම් මා අමතක කරන්නද


අතිතයක පැටලිච්ච රැරා ගලනා නුඹේත් මගේත් අතිත සැමරුම් සිහිවන වාරයක්වාරයක් පාසා මගේ දෙනෙතට කඳුළු උනනවා සේම නුඹ පිලිබඳ මතකය අළුත් වනවා සේම නුඹ පිලිබඳ මාසිත තුල හට ගත් ප්‍රේමයද මතකයන් සමඟින්ම දළුලා වැඩෙයි



එ සියළු සිතුවිලක්ම මා සිතේ නුඹ පිලිබඳ ප්‍රේමය දළු දා වැඩෙනවා මිසක කිසිදා මිය නොයනු ඇත


නුමුත් එ සියළු දේටම නුඹ තිත තබා අවසන්ය

අපේ හමුවිම් අපේ දෙඩමළු විම් වලට නුඹ තිත තබා අවසන්ය

එයට හේතුව නුඹට මා පිලිබඳ කිසිදු හැඟිමක් නොයිපදිමයි හුදෙක් මා නුඹට එක් සොහොයුරියක් පමණක් විමයි... නුඹ කියනා අයුරින් නුඹට මට කිසිදා පෙම්වතුන් විය නොහැකිය( නමුත් නුඹේ හිතම මා වෙත ප්‍රේම ආරාධනාවක් කලේ ඇයිදැයි කියන්න මට තවමත් ප්‍රෂ්නයක්ය... නුඹට මා පිලිබඳි එකදු හුදකලා හැඟිමක් හො නොමැතිනම් කෙසෙ නුඹ මා පෙම්වතිය කරන්නට සිතුවේද අදටත් පැනයක්)


මා නුඹට පෙම් කලත් නුඹ මට පෙම් නොකල තරම්ය

එලෙසින් නුඹට මා අතරමඟ දමා යැමට හැකිවිය


මා නුඹට පෙම් කල තරමින් නුඹ නොමැත මට පෙම් කර කිසි දිනක..
 මා නුඹේ වු තරමින් නුඹ නොමැත මගේ වි එක මොහොතකට වුව...
මා නුඹ ගැන සිතු තරමින් නුඹ නොමැත මා ගැන සිතා එක වරෙක ....


නමුදු නුඹ පෙන්වු පාට පිරුණු හීන ලොකය තුල නැවති මම තවමත් ඉකි ගසන්නීය

නුඹ වෙනුවෙන් තමත් මා කඳුසලන්නිය



මේ ඇ පාපොච්චාරනයයි

-------------------------------------------------------


පාවි පාවි විසි වෙලා ගිය
අකිකරු අකුරක් අරන් දෝතට
ගලප ගලපා මමම ලියන අද
කවිය නුඹටයි - මගෙ පෙමටයි

ඇවිද ඇවිදා මඟ තොටක අපි
ගෙවුව කාලයේ සිහින නටඹුන්
ගලප ගලපා මමම ලියන අද
කවිය නුඹටයි - නුඹේ නමටයි

කඳුළු කවිකම් හැඩ කරන් නුඹ
මසිත අද්දර හිනැහිලා නුඹ
මතක අහුලා මමම ලියන අද
කවිය නුඹටයි - නුඹේ පෙමටයි

අකුරු ගලපා සිතැඟි නලවා
මම ලියු අපේ පෙම් කවිය ලඟ
තාල විරහිත පද පෙලක් ලඟ
මටම වැරදුන අකුර නුඹමයි - නුඹම පමණයි





Sunday, March 17, 2013

මතක පොතේ කඳුලින් කටු ගෑ....


කඳුලැලි පුරවපු ආදර පන්හිද
කඳුළු වගුරවා මතක ලියන කොට
පොතක් පුරාව දඟපෑ මතකය
පිටුවෙන් පිටුවට රහස් කියනවිට
තුන් රෑ මැදියම හීන දකින ඇස
කළුවර හීනෙම පාට මකන කොට
සඳ නැති රෑයම කඳුලැලි වපුරා
මතක ලියමි මම හිතේ දුකට අද
කඳුලින් කඳුලට අමුණන මතකය
රහසින් හද ලඟ සිතුම් මවන විට
කඳුලැලි පුරවපු මතක අහුරු ටික
හීනෙන් ඇවිදින් ලඟින් රැදෙනකොට
සීතල මදහස පෑව නුඹේ පෙම
හීත ලඟ හෙමිහිට රහස් කියන කොට
කළුවර රෑ හීනෙම තුන්යම
පෑරි රිදවයි නුඹ-මා මතකය හෙමිහිට

අහිමිව ගිය සඳ රහසේම පෙර දින
මතකය පෙරලා කවි අමුණන විට
දාහක් සිතුවිලි හැඟුමක නැවතුන
පිටු අග  සිර වී කඳුළු සලන විට
සැලෙනා හද ලඟ නැවති හෙමිහිට
රහස් කියනවා රහසේම මට මම
රිදවන මතකය අමතක කර අද
මතක ලියනවා පොතක් පිරෙන්නට
___________________________________
මගේ මතක පොත... කඳුලින් කඳුලු පෙමක් ලඟ නැවතිච්ච කඳුළු මතක අහුරු ගනන් ලියන මගේම ආදරණිය ඩයරිය දවසක ඔයාගේ අතට හම්බවුනොත්...ඔයා පුදුමවෙයි නේද මේ පොතේ පිටුවෙන් පිටුවට ඔයා ගැනම විතරක් මම ලියලා තියනවා කියලා දැකිනකොට....
 
       

Wednesday, March 13, 2013

ඉටු(නො)වෙන හීන


 
සුදු ඇත්දල පාට...රන් නුලෙන් වැඩ දාපු රත්තරන් සාරියක් ඇඳගෙන මුතු මාල හතක් ගෙල පලදලා.....රන් තැල්ලෙන් හිස සරසලා.....ලස්සන සුදු-කහ අරලියා මල් වලින් වැඩ දාපු මල් කළඹක් අතදරාගෙන
මගෙම තාත්තාගෙ අතින් එලිල්ලිලා රන් පෙරුවට නගින්න මම හුඟක් හින මැව්වා
මගේ ජිවිතේ මම මවපු ලස්සන හිනයක්
පතිදම් රැක ගෙන කුල ගෙදරට යන දවස....
ඔනේම දුවණියකගේ ජිවිතයකට තියන දවසක 
සැබැ වෙන හිනයක්...... 

හින කුමාරයෙක්වත් රජ කරන්නේ 
  නැති මගේ ලොකෙට රන් සාරි කෙකායින්ද
මුතු මාල කොයින්ද
මල් කළඹවල් කොයින්ද
රන් සෙල ඇදන් පතිගම් යන දවසක් මට කොයින්ද
ජිවිතේ හින වලින් කවමදාක වත් සැබැ නොවෙන හිනයක්
හිත අස්සේ දඟලන තෙරෙපෙන හැඟමන් රාෂියක් කඳුලින් ගනුදෙනු කරන මොහොතක්
සැබැ නොවෙනා ලොකයක මායවක් තුල හැඟමන් තෙරෙපෙන මොහොතක තනිවම මම මගේ හිතත් එක්ක දොඩමළු වෙන මාතෘකාවක්
ඒත් මට ඒ හිනයක්ම විතරයි
රන් සෙල රන් මාල රන් මුදු රන් පෝරු රන් අස්ස කරත්ත....
ඔවා මට පේන පාට පාට හින
කවමදාකවත් ඉටුනොවෙන හිනයක්

----------------------------------------------------------------------

හිත අස්සක දඟපානා 
රන් මුදුවේ...
රන් හීනෙන් ගෙත්තම් වුනු
මංඟල සිහිනේ..
මල් දහසක් මැදිකර බැඳි
රන් ආසුනේ
සිහිනෙන් සිතුවම් මැව්වා
මම හොර රහසේ..

ඉටු කර බැඳි 
පැතුමන් දහසින් 
වරුවක් සැලුනා හද
ලොවටම රහසින්
කඳුලැලි පිටවි 
නෙතඟට හොර රහසින්
සිතල කඳුලක් දඟලයි
ඇස් අඟ හෙමිහින්

මල් මල් හීනෙක දඟපානා
 සිහිනයේ සිත්තම්
රහසින් මැව්වෙමි සිතුවිලි
අහුරක් මම  ඇහිදන්
මගේ පෙම් කඳුලින්
ගිලිහිනු මංඟල හැඟුමන්
ඉටු(නො)වෙනා බව 
සත්තයි කුමරුනි මට දැන්.....